Փոխվարչապետը հրաժեշտ տվեց Գերչեւային
Վերջին լուրեր
ՀՀ փոխվարչապետ, տարածքային կառավարման նախարար Արմեն Գեւորգյանն այսօր ընդունեց Հայաստանում ՄԱԿ-ի մշտական համակարգող, Միացյալ ազգերի զարգացման ծրագրի (ՄԱԶԾ) մշտական ներկայացուցիչ Դաֆինա Գերչեւային՝ Հայաստանում առաքելության ավարտի կապակցությամբ:
Փոխվարչապետն արդյունավետ համարեց ՄԱԿ-ի երեւանյան գրասենյակի հետ համագործակցությունը, դրանում ընդգծելով նաեւ տիկին Գերչեւայի անձնական ջանքերը: Նա հատկապես գոհունակություն հայտնեց մարզերում եւ համայնքներում ՄԱԶԾ աջակցությամբ իրականացվող ծրագրերի կապակցությամբ եւ հույս հայտնեց, որ ընթացքում գտնվող ծրագրերը կշարունակվեն եւ ավարտին կհասցվեն: Փոխվարչապետը նաեւ հաջողություն մաղթեց Դ. Գերչեւային հետագա աշխատանքում:
Դ. Գերչեւան իր հերթին բարձր գնահատեց պաշտոնավարման ընթացքում Տարածքային կառավարման նախարարության, մարզպետարանների եւ համայնքների հետ համատեղ աշխատանքը: Նա կարեւոր համարեց, որ Հայաստանում ՄԱԶԾ-ի ծրագրերն առավելապես իրականացվել են կառավարության եւ հասարակական կազմակերպությունների հետ համատեղ եւ ուղղված են եղել համայնքների զարգացմանը: Դ. Գերչեւան վստահություն հայտնեց, որ փոխգործակցության նույն մակարդակը հետագայում եւս կպահպանվի:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
