«Ռեալ»–ի առաջին պարտությունը Չեմպիոնների լիգայում

Չեմպիոնների լիգայի խմբային փուլի երրորդ տուրի շրջանակներում Դորտմունդի «Բորուսիան» հյուրընկալել էր Մադրիդի «Ռեալին»: Ժոզե Մոուրինյոյի սաները պարտվեցին 2-1 հաշվով:

Հանդիպման հաշիվը բացվեց 36-րդ րոպեին. դաշտի տերերից աչքի ընկավ Ռոբերտ Լևանդովսկին: Ընդամենը 2 րոպե անց Քրիշտիանու Ռոնալդուն հավասարեցրեց հաշիվը:

Երկրորդ խաղակեսի 64-րդ րոպեին Մարսել Շմելցերի հեղինակած գոլի շնորհիվ «Բորուսիան» հաղթանակ տոնեց: Արդյունքում մադրիդցիները Գերմանիան լքեցին առանց միավորների՝ առաջին հորիզոնականը զիջելով այսօրվա իսկ մրցակցին։