ԱՄՆ-ի դեսպանի սպանության մեջ կասկածյալին սպանել են Եգիպտոսում
Վերջին լուրեր
Տղամարդը, որին կասկածում էին սեպտեմբերի 11-ին Լիբիայում ԱՄՆ-ի դեսպանատան վրա հարձակման մեջ, հոկտեմբերի 25-ին սպանվել է Կահիրեում հատուկ ծառայությունների աշխատակիցների հետ փոխհրաձգության արդյունքում. հաղորդում է BBC News-ը:
Եգիպտոսի իշխանությունների ներկայացուցիչների խոսքերով` տղամարդուն ձերբակալել էին այսօր վաղ առավոտյան իր բնակարանում: Նա նռնակ էր նետել հատուկ ծառայությունների աշխատակիցների կողմը, սակայն այն պայթել էր հենց բնակարանում, ինչից հետո և սկսվել էր մի քանի ժամ տևած փոխհրաձգությունը:
Ինչպես նշում են ոստիկանությունում, տղամարդու անունը Հազեմ էր, սակայն ամբողջ անունը չի հաղորդվում: Սպանվածի բնակարանում հայտնաբերվել են զենք և պայթուցիկ նյութեր:
Հիշեցնենք, որ սեպտեմբերի 11-ին Լիբիայում ԱՄՆ-ի դեսպանատան վրա հարձակման արդյունքում սպանվել էին ԱՄՆ-ի դեսպան Քրիսթոֆեր Սթիվենսը և դեսպանատան 3 աշխատակից: Սեպտեմբերի 16-ին Լիբիայի իշխանություններն այս գործով ձերբակալել էին 50 մարդ:
Հոկտեմբերի 1-ին թուրք սահմանապահները ձերբակալել և ոստիկանությանն էին փոխանցել Թունիսի 3 քաղաքացու Լիբիայի Բենղազի քաղաքում ԱՄՆ-ի դեսպանատան վրա հարձակման կասկածանքով:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
