Իսրայելն ու «Համաս»-ը համաձայնության են եկել հրադադարի ռեժիմի հաստատման հարցում

Իսրայելի իշխանությունները և Գազայի հատվածում իշխող «Համաս» շարժումը բանակցությունների ընթացքում ոչ պաշտոնական զինադադար են հաստատել: Բանակցությունների ընթացքում որպես միջնորդ հանդես է եկել Եգիպտոսը. հաղորդում է BBC-ն: Հրադադարի պայմաններն ու տևողությունը դեռ հայտնի չեն: Պայմանավորվածությունը ձեռք էր բերվել այն պահին, երբ «Համաս» շարժման և իսրայելական իշխանությունների միջև առճակատումը նորից սրվել էր:

Նշենք, որ այս շաբաթվա սկզբից իսրայելական օդային ուժերի հարվածների արդյունքում սպանվել է 6 զինյալ: Ըստ իսրայելական իշխանությունների՝ Գազայի կողմից Իսրայելի վրա բաց է թողնվել մոտ 70 հրթիռ և ական:

Արդյունքում ծանր վիրավորվել է 5 մարդ, որոնցից 3-ը գտնվում են ծայրահեղ ծանր վիճակում: