Der Standard. Իսրայելցիների 80%-ը Ռոմնիի օգտին կքվեարկի

Իսրայելում լրջորեն հետևում են ԱՄՆ-ի նոր նախագահի ընտրություններին: Գործող նախագահ Օբամայի հարցում կարծիքները կիսվում են: Ռոմնիի համակիրները շահարկում են այն փաստը, որ նրա մասին մարդիկ դեռևս ոչինչ չեն կարող ասել:

ԱՄՆ-ի նախագահի թեկնածուներն այժմ ցանկանում են Մերձավոր արևելքում ավելի քիչ ազդեցություն ունենալ, քան առաջ էր. գրում է պարբերականը: Սակայն, համենայն դեպս, Իսրայելն ու Պաղեստինն իրենց քաղաքական ժամացույցը լարում են՝ պայմանավորված ԱՄՆ-ում ընտրությունների ժամկետներով:

2009թ. հունվարին այն ժամանակ այնքան հանրահայտ ԱՄՆ-ի նոր նախագահ Բարաք Օբամայի համար մի երջանիկ դիպվածով նրա երդման արարողությունից 2 օր առաջ պատերազմը Գազայի հատվածում ավարտվեց:

Այսօր արդեն շահարկվում է այն հանգամանքը, որ Իսրայելն աշնանը կարող է հարձակվել Իրանի վրա, քանի որ Օբաման իր քարոզարշավի ընթացքում շատ քիչ է հանդես եկել դրա դեմ քննադատությամբ: Կամ Իսրայելը կհամբերի մի փոքր՝ մինչ ընտրություների ավարտը, որպեսզի ընտրություներից առաջ խնդիրներ չստեղծի ԱՄՆ-ի համար: Նման կերպ վարվեցին, օրինակ, պաղեստինցիները, որոնք ելնելով Օբամայի նկատմամբ իրենց հարգանքից՝ իրենց նոր հարձակումները հետաձգեցին մինչև նոյեմբերի վերջ. գրում է ավստրիական թերթը:

Ջայ Շուլցը, ով 6 տարի առաջ ներգաղթել էր Նյու Յորքից Իսրայել, կարծում է, որ ակնհայտ է, որ իսրայելցիները, ընտրելով ԱՄՆ-ի նախագահին, 80% հավանականությամբ կքվեարկեն Միթ Ռոմնիի օգտին, իսկ Օբամայի օգտին՝միայն 20%-ը:

Ինքը՝ Շուլցը, ով աշխատում էր Գաղթականների հարցով հրեաների համաշխարհային կոնգրեսի հանձնարարականով, անցյալում աշխատել է նախկին նախագահներ Բիլ Քլինթոնի և Ալբերտ Գորի հետ, սակայն Օբամայի հետ աշխատելիս նա իրեն «անհարմար» է զգում. գրում է թերթը:

«Օբաման վատ տարբերակ չէ Իսրայելի համար, սակայն չեմ կարծում, որ նա այնքան ակտիվ կգործի, ինչպես Ռոմնիի վարչակազմը»,-ասել է Շուլցը: