Ծանրաքաշ բնակչի հոսպիտալացման համար անհրաժեշտ է եղել փրկարարների օգնությունը

Հոկտեմբերի 25-ին՝ ժամը 04.33-ին «1-03» ծառայության բժիշկ Մարգարյանից տեղեկություն է ստացվել, որ Երևանի Գ. Նժդեհ փողոցի թիվ 8 շենքի 4֊րդ բնակարանի բնակչին շտապօգնության աշխատակիցները չեն կարողանում տանից իջացնել՝ ծանրաքաշ լինելու պատճառով, և նրա հոսպիտալացման համար անհրաժեշտ է փրկարարների օգնությունը։

ԱԻՆ–ից տեղեկացնում են, որ դեպքի վայր է մեկնել մեկ մարտական հաշվարկ։ Հրշեջ֊փրկարարները տանից անվնաս իջեցրել են 1929–ին ծնված Ռոզա Մանուկյանին, ով հոսպիտալացվել է «Նորք» ինֆեկցիոն կլինիկական հանրապետական հիվանդանոց։