Վարդան Օսկանյանի և Ռուբեն Հայրապետյանի տարբերությունները

Պետրոս Ղազարյանը Facebook սոցցանցի իր էջում գրել է.

«1.Նախ Օսկանյանի թիկնապահները ծեծելով մարդ չեն սպանել: Թե որ կեղտոտ փողերն է լվացել Օսկանյանը, նույնիսկ դատախազը չգիտի, և նման համեմատությունը մարդկային,բարոյական, էթիկայի տեսակետից ճիշտ չէ !!!

2. Եթե հիշողությունս չի դավաճանում, Ռուբեն Հայրապետյանը հրաժարական տվեց ոչ թե քաղաքացիական հասարակության միտինգների այլ նախագահի հետ խորհրդակցության արդյունքում, և եթե վերջինիս, քաղաքականապես հետապնդել, են հաստատ ոչ ակտիվիստները!!!

3 Համաձայն եմ պրն. Աշոտյանի հետ, որ քաղաքացիական ակտիվիստները միատարր չեն, չեմ բացառում որ այնտեղ լինեն նաև քաղաքական նպատակներ ունեցողներ: Այլ հարց է թե այդ մարդիկ ում կողմից են ուղղորդվել, ինձ թվում է նրանց ուղղորդողների պակաս չէ եղել հենց պրն Աշոտյանի թիմից )))»։

Հիշեցնենք, որ ավելի վաղ ՀՀԿ փոխնախագահ Արմեն Աշոտյանը «168 ժամ»-ի թղթակցի հետ զրույցում՝ հերքելով պնդումները, թե ԲՀԿ-ական Վարդան Օսկանյանի նկատմամբ իշխանությունները քաղաքական հետապնդում են իրականացնում, ասել է.

«Քաղաքական հետապնդման օրինա՞կ եք ուզում Հայաստանում, ես Ձեզ կբերեմ նման դեպք. Ռուբեն Հայրապետյանի դեպքը հենց քաղաքական հետապնդման վառ օրինակ է, երբ պատգամավորին քաղաքական հետապնդման ենթարկեցին, երբ դե յուրե նա ոչ մի կապ չուներ «Հարսնաքարի գործի» հետ: Ռ.Հայրապետյանը քաղաքական հետապնդման ենթակվեց այն դեպքում, երբ բացարձակ իրավական ոչ մի պատասխանատվություն տվյալ ողբերգության հետ չուներ: Այո, բարոյական ծանրությունը բեռ է, ու մենք տեսանք, որ այդ բեռի տակ Ռուբեն Հայրապետյանը կամովին հրաժարվեց մանդատից: Բարոյական բեռին, սակայն, գումարվեց քաղաքական տիպիկ հետապնդում մամուլով, այսպես կոչված, քաղաքացիական հասարակության ինստիտուտներով: Ինչո՞ւ եմ ասում, «այսպես կոչված», քանի որ վստահաբար մեր քաղաքացիական հասարակությունը բաղկացած է տասնյակ, հարյուր-հագարավոր մարդկանցից, ոչ թե քաղաքացիական հասարակություն բրենդը մոնոպոլիզացնող մի խմբի հետ, որոնք իբրև պայքարում են մենաշնորհների դեմ, սակայն իրենք են փորձում քաղաքացիական դաշտում ստեղծել մենաշնորհային կարգավիճակներ: Ռուբեն Հայրապետյանի գործը տիպիկ քաղաքական հետապնդում էր ՀՀԿ-ի ու Ռուբեն Հայրապետյանի քաղաքական հակառակորդների կողմից»: