Հաագայում Իրանի հարցով դատարան է բացվում

Հաագայում այսօր Իրանի հարցով դատարան է բացվում, որը կուսումնասիրի երկրում 1980 թվականից ի վեր գրեթե 20,000 քաղբանտարկյալների ենթադրյալ գաղտնի մահապատիժների ապացույցները. հաղորդում է BBC-ն: Ընդ որում, ըստ դատարանի իրավապաշտպան նախաձեռնողների, դատարանը օժտված չի լինի իրավաբանական ուժով, սակայն վերջիններս հույս ունեն ազդեցություն ունենալ բարոյական նորմերի տեսանկյունից: Իրավապաշտպանները մեղադրում են իրանական ռեժիմին քաղաքական այլախոհների առևանգման, նրանց նկատմամբ բռնության կիրառման, վերջիններիս զանգվածային գնդակահարման մեջ: Դատարանի նպատակն է համոզել պաշտոնական մարմիններին պատասխանատվության ենթարկել այս սպանությունների ետևում կանգնած անձանց:

Նշենք, որ մինչև 1988 թվականը, երբ ՄԱԿ-ը զինադադարի կոչ արեց Իրանին և Իրաքին, գերագույն հոգևոր առաջնորդ այաթոլլա Համենեին ստեղծեց, այպես կոչված, «մահվան կոմիտեներ», որոնք իրավունք ունեին մահապատժի ենթարկել յուրաքանչյուր աթեիստի: Իրանն իր հերթին հերքում է, որ խախտել է որևէ միջազգային օրենք: