Տիգրան Սարգսյանը՝ գործազրկության մասին
Վերջին լուրեր
Վարչապետ Տիգրան Սարգսյանն այսօր կառավարության հերթական նիստի ժամանակ նիստի օրակարգային հարցերի քննարկման ժամանակ խոսեց տարբեր ոլորտներում առկա աշխատուժի պակասի մասին, վարչապետի խոսքերով՝ գործ ունենք կառուցվածքային գործազրկության խնդրի հետ:
Վարչապետի համոզմամբ՝ «գործազրկության խնդիրը մեր առջև շատ սուր դնում է տեղեկատվական տեխնոլոգիաների ոլորտը»:
«Ոլորտի բարձր տեմպերով աճը վտանգվում է միայն մեկ պատճառով. անհրաժեշտ են աշխատանքային ռեսուրսներ: Ոլորտը տարեկան աճում է 15-20 տոկոսով, ձեռնարկությունների քանակն արդեն 300 է, մենք Արմեն Աշոտյանի հետ պայմանավորվել ենք, որ էապես ավելացնելու ենք պետական պատվերն այդ բնագավառում, բայց տեսնում ենք, որ աշխատուժի պակաս ունենք: Աշխատուժի խնդիր կա նաև մարզերում», - նշեց վարչապետը:
Կառավարության ղեկավարը դիմելով ՀՀ էներգետիկայի և բնական պաշարների նախարար Արմեն Մովսիսյանին՝ հարցրեց, թե ինչպիսինն է իրավիճակը Վանաձորի քիմիական գործարանում: Վարչապետի հարցին ի պատասխան Արմեն Մովսիսյանն ասաց, որ մոտ 150 տարբեր պրոֆիլների մասնագետների կարիք կա:
Ըստ քաղաքապետ Տարոն Մարգարյանի՝ քաղաքապետարանի ենթակայության տակ գտնվող հիմնարկների տարբեր ոլորտներում՝ տրանսպորտի, առողջապահական, սանմաքրման, մոտ 300 աշխատողների խնդիր կա:
ՈՒՂԻՂ ԵԹԵՐ
Ամենադիտված 
Պարոն վարչապետ, չհասկացա` Ձեր այսօրվա խոսքը ու՞մ էր ուղղված. Արամ Սարգսյան
