The Telegraph. Բրիտանական դպրոցներում պոռնոգրաֆիա կուսումնասիրեն

Վերջին լուրեր 25 Հոկտեմբեր, 2012 14:36

Սեռական կրթությունը պոռնոգրաֆիայի ուսումնասիրման միջոցով` այսպիսի մեթոդ են առաջարկել բրտանացի մանկավարժները դպրոցականներին չափազանց «սեքսուալիզացված» ժամանակակից աշխարհի ազդեցությունից պաշտպանելու համար: Ըստ փորձագետների` այժմ բաց սեքսուալ տեսարաններով ֆիլմերը հասու են յուրաքանչյուր դպրոցականի, և ժամանակի ընթացքում երեխաները սկսում են խառնել «պոռնոգրաֆիայի աշխարհը» «իրական սեքսի աշխարհի» հետ:

Փլիմութի համալսարանի պրոֆեսորները պարզել են, որ երեխաների մեծամասնությունն առաջին անգամ պոռնոգրաֆիկ տեսանյութ նայում է 11-12 տարեկան հասակում, իսկ 14-ամյա դպրոցականները վստահ են, որ իրենց բոլոր հասակակիցները գոնե մեկ անգամ նայել են նմանատիպ տեսանյութ. գրում է The Telegraph-ը: Մոտ 1000 դպրոցականի հարցման արդյունքում գիտնական Էնդի Ֆիպենը պարզել է, որ պոռնոգրաֆիա նայում են գրեթե բոլոր դեռահասները, և այս փաստն անհրաժեշտ է հաշվի առնել դպրոցական սեռական կրթության դասընթացներում:

Այսպիսով, մանկավարժների խորհուրդն առաջարկում է կրթական ծրագիր ներմուծել դպրոցականներին պոռնոգրաֆիայի հետ ծանոթացման դասընթացներ. նշում է BBC-ն: 10 տարեկանից սկսած՝ դեռահասներին կբացատրեն, թե նրանք ինչպիսի տեղեկություն կարող են գտնել համացանցում և ծանոթացնել, թե ինչ կարող են նրանք տեսնել էկրանին: Այսպիսի դասընթացի նպատակն է բացատրել դեռահասներին, որ համացանցում կամ էկրանին երևացող սեքսը նույնը չէ, ինչ «սեքսը իրական կյանքում»: