Որպես բողոքի նշան՝ դատապարտյալը կտրել է ճկույթը և ուղարկել ՀՀ գլխավոր դատախազին (լուսանկարներ)

«Նուբարաշեն» քրեակատարողական հիմնարկում պատիժը կրող 4 դատապարտյալ հոկտեմբերի 22-ից հացադուլ են հայտարարել՝ բողոքելով իրենց նկատմամբ կայացրած վճռի և կալանավայրում տիրող իրավիճակի դեմ: Նրանք իրենց բողոքն արտահայտել են «Հենարան» լրատվական կայքին ուղարկված նամակում և ոչ միայն ներկայացրել են իրենց դժգոհությունները, այլև որպես բողոքի նշան՝ խմբագրություն են ուղարկել նաև դատապարտյալներից մեկի կտրված ճկույթը:

«Մենք ստեղ 4 հոգով գալադովկայենք, ինչ ասում ենք վոչ մի բանել չեն անում վոչ բժիշկ են կանչում, վոչել շանտեղ են դնում. Մի խոսքով, օրենքով՝ օրը 2 թէ 3 անգամ պդի գան ճնշում ճափեն նայեն բայց էս 2 օրա ստղենք, հելը բժիշկ չենք տեսել.մեր մոտ տղա կա էրեկ ինչքան դավադիտ արին վոր սըրանքել մեզ շան տեղ չեդրի, ինքն էլ բռնեց ասեց կամ ինձ զոն տարեք կամ ել մատես կդռումեմ ու սրանքել չհավտացին, ինքնել բռնեց էրեկ մատը կդռեց ճըկուտե ու ուզում ենք վոր թերթերով տպեն իրանք ինչեն խոսում ու ինչեն անում ընենց, որ նեռսում բառդակա տիրում, հետիս 2 տղեքրը բերաները կարել են, էսել սպասում եմ վաղը դատավորը ինչ կասի եթե երկարացրեց կամ հոդվածը' 132-ը չեխանօն եսել եմ ճկուտս կդռումեմ եւ ուղարկեք դադախազին վոր սկսեն լուռջ նայել»,- ըստ Henaran.am-ի գրված է նամակում:

Tert.am-ը փորձեց հարցի շուրջ տեղեկություն ստանալ կալանավայրերի վարչության խոսնակ Գոռ Ղլեչյանից, ով խոստացավ ավելի ուշ պատասխանել մեր հարցին:

tert.am