Նոր մանրամասներ Խանջյան փողոցի շենքի փլուզումից (տեսանյութ, լուսանկարներ)

Ինչպես արդեն Lurer.com-ը տեղեկացրել էր, այսօր «Jose» ռեստորանային համալիրի մոտ կառուցվող շենքում փլուզում է տեղի ունեցել: Փլվել է շինության երրորդ հարկը:

Փրկարարները փլատակներից դուրս են բերել 9 տուժածի: Շտապ օգնության աշխատակիցները տուժածներին տեղափոխել են «Սուրբ Գրիգոր Լուսավորիչ» բժշկական կենտրոն: Պարզվել է տուժածների ինքնությունը՝ Կամո Ղահրամանյան (50 տ.), Արման Ղազարյան (40 տ.), Արման Գրիգորյան (25 տ.), Արսեն Հայրապետյան (30 տ.), Նահապետ Բադալյան, Վոլոդյա Մաթևոսյան, Սիրակ Թովմասյան, էդիկ Սուքիասյան (30 տ.) և Ռոբերտ Առաքելյան (53 տ.):

Բժիշկների գնահատմամբ` Արսեն Հայրապետյանի վիճակը միջին ծանրության է, մյուս տուժածներինը` ծանր:

Դեպքի վայրում է գտնվում նաև ՀՀ ԱԻ նախարար Արմեն Երիցյանը:

ԱԻՆ աշխատակիցներից մեկը Lurer.com-ի հետ զրույցում նշեց, որ չի բացառվում, որ փլատակների տակ լինեն այլ քաղաքացիներ. այդ իսկ պատճառով տարածքը կվերստուգվի։