Հոգեթերապևտի կարիք ունեցող ինչ-որ մեկն իմ սև PR-ով է զբաղված. Էդմոն Մարուքյան

Ըստ մամուլի հրապարակման՝ անկուսակցական պատգամավոր Էդմոն Մարուքյանը հովանավորություն է ստանում ոչ միայն դատախազ Աղվան Հովսեփյանի, այլև՝ Բարսեղ Բեգլարյանի կողմից, ում հետ Մարուքյանը պարբերաբար հանդիպումներ է ունենում և նրանից աշխատանքային գործունեության ցուցումներ ստանում:

Այս առթիվ պարզաբանումներ կատարելու նպատակով Lurer.com-ը զրուցեց Էդմոն Մարուքյանի հետ, ով ասաց. «Ընտրություններից հետո իմ դեմ սկսվել է շատ լուրջ սև PR ծավալվել, որը կազմակերպված է կոնկրետ մի մարդու կողմից»: Լրագրողի այն դիտարկմանը, թե ում մասին է խոսքը, վերջինս պատասխանեց, որ այդ մարդը «հոգեթերապևտի կարիք ունեցող» ինչ-որ մեկն է։

Ըստ պատգամավորի՝ այնպիսի իրավիճակ է ստեղծվել, որ եթե քեզ ասում են, ուղտ ես, պետք է ապացուցես, որ ուղտ չես:

«Ես արդեն չեմ էլ ցանկանում պատասխանել նման հրապարակումներին, որովհետև իմաստ չունի: Միայն կասեմ՝ ինչ-որ մարդու հիվանդ երևակայության արդյունքն է: Այժմ անընդհատ փորձ է արվում ինձ շեղել օրակարգից, ինչը չի ստացվում: Մեծ հաշվով՝ այդ ամենն ինձ չի անհանգստացնում,- ասաց պատգամավորը։

Պատգամավորը նաև նշեց, որ ինքը գոհ է, որ ինչ-որ մեկն անվճար իր PR-ով է զբաղված, և նման հայտարարություններն իրեն չեն անհանգստացնում։