Тhe Daily Telegraph. Դանիայում բեմադրվելու է Էմի Վայնհաուսին նվիրված ներկայացում

2013թ. հունվարին Դանիայի թագավորական թատրոնի բեմում տեղի կունենա անգլիացի երգչուհի Էմի Վայնհաուսի կյանքի մասին ներկայացում: Այս մասին հաղորդում է Тhe Daily Telegraph-ը:

«Amy» անվանումը կրող ներկայացումը պատմելու է Վայնհաուսի ստեղծագործական ուղու մասին, որը համաշխարհային հռչակ էր վայելում արդեն 22 տարեկանում, հասարակության կողմից նրա վրա գործադրվող ճնշման մասին, անձնական կյանքում ունեցած խնդիրների մասին, թմրանյութերի և ալկոհոլի չարաշահման մասին:

Պիեսը, որի հիման վրա ցուցադրվելու է ներկայացումը, հեղինակել է 11 հոգի: Այն գրված է դանիերեն և կրում է «Կարմիր սենյակ» վերնագիրը: Դրա հիմքում ընկած են Վայնհաուսի հետ ունեցած հարցազրույցները, թերթի նշումները, նյութեր համերգներից, նրա նամակները և ալբոմներից վերցված առանձին երգեր:

Պրեմիերան նշանակվել է հունվարի 30-ին: