New York Post: Ազատության արձանը Նյու Յորքում կբերաբացվի կիրակի օրը

Նախատեսվում է, որ Ազատության արձանը հասարակության համար կվերաբացվի կիրակի, իր 126-րդ տարեդարձի կապակցությամբ: Արձանը փակվել էր անցյալ տարվա հոկտեմբերին՝ ներքին վերականգնողական աշխատանքներ իրականացնելու նպատակով, սակայն այցելուները հնարավորություն ունեին զբոսնել Ազատության կղզում` Նյու Յորքի նավահանգստում:

Անցյալ տարի սկիզբ առած երեսուն միլիոն ԱՄՆ դոլար արժողությամբ վերականգնողական աշխատանքները նպատակ ունեին փոխել դեպի թագը տանող աստիճանները` նվազեցնելով դրանց թեքությունը. այժմ 354-ի փոխարեն կա 393 աստիճան: Առաջին անգամ այցելուները հնարավորություն կունենան անվասայլակներով բարձրանալ պատվանդանի գագաթին գտնվող դիտողական հրապարակներ:

Հիշեցնենք, որ Ազատության արձանը Ֆրանսիայի 1886 թվականի հոկտեմբերի 28-ի նվերն էր Նյու Յորքին: Այն նպատակ ուներ խորհրդանշել երկու պետությունների փոխադարձ բարեկամությունը և ընդհանուր սերը դեպի ազատությունը: Շուր 3.5 միլիոն մարդ է ամեն տարի այցելում այս հուշարձանը: Իսկ նորամուծությունները թույլ կտան այցելուների տարեկան քանակը ավելացնել 26.000-ով: