Իվետա Մուկուչյանը զարմացրեց գերմանացիներին (տեսանյութ)

Facebook-ի օգտատեր Յաշա Սոլոմոնյանն իր էջում գրել է.

«Իվետա Մուկուչյանի ելույթը «Ռադիո Համբուրգը փնտրում է մեգատաղանդ» նախագծի քառորդ ֆինալում: Նախագծի կազմակերպիչներին զարմացրեց ոչ միայն Իվետայի՝ եղանակին հակառակ թեթև հագուստը, այլև նրա վոկալային տվյալները: Ծրագրի ընթացքում Իվետան անդրադառնում է նաև «Հայսուպերսթար» նախագծին, որտեղ ժյուրիին ներկայացնում է Հայաստանում և Գերմանիայում հասարակության մոտեցումների տարբերությունը նմանատիպ ծրագրերին, երբ, օրինակ, ի տարբերություն երեք միլլիոն բնակչություն ունեցող Հայաստանի՝ Գերմանիայում մասնակիցները գտնվում են պապարացիների մշտական հետապնդման թիրախում: Իսկ ելույթի վերջում ժյուրին իր գոհունակությունն է հայտնում, որ Իվետան ապրում և ստեղծագործում է Գերմանիայում ու չի մնացել Հայաստանում, այլապես նա լուրջ հակառակորդ կլիներ Լենայի համար (երևի Լանդրութ-Մայերին նկատի ունեն):

Անկախ նրանից, թե ինչպես ավարտվեց այս նախագիծը, Իվետային մաղթում եմ նորանոր հաջողություններ Գերմանական շոու-բիզնեսում, որն, ի դեպ, շատ կարևոր է հատկապես մեզ համար՝ ունենալ հայ երգի ու Հայաստանի պրոպագանդիստը թուրքամետ ու թուրքաշատ Գերմանիայում: Սա նաև թեթև ուղղորդում, միգուցե կգտնվեն մարդիկ, որ կհասկանան, թե ինչ նկատի ունեմ ու համապատասխան քայլեր կձեռնարկեն այս աղջկան Գերմանիայում օժանդակելու ու «առաջ տանելու» համար:

ՀԳ. Շնորհակալություն ԵՊԼՀ Գերմաներենի ամբիոնին, որ ես հիմա նայում եմ էս տեսանյութն ու հասկանում»: