«Հրապարակ». Ղարաբաղի անկախությունը կճանաչի նաև Ուրուգվայը
Վերջին լուրեր
Պարզվում է` Ավստրալիայի Նոր Հարավային Ուելս նահանգի կողմից Ղարաբաղի անկախության ճանաչումը, որն արձանագրվեց նախօրեին, ղարաբաղյան խնդրում «ստատուսքվոյի» փոփոխության միակ ազդակը չէ: «Step by step»` քայլ առ քայլ տեխնոլոգիան ժամանակին կիրառվել է նաև Հայոց ցեղասպանության միջազգային ճանաչման ժամանակ:
Ըստ «Հրապարակ»-ի լավատեղյակ աղբյուրների` մինչև նոյեմբերի վերջ Ղարաբաղի անկախությունը կճանաչի նաև Ուրուգվայը, ինչն արդեն «նոր խոսք» կլինի Ղարաբաղի անկախության ճանաչման հարցում: Բանն այն է, որ Ուրուգվայը բավականին ժամանակ պատրաստ է այդ քայլն անելու, սակայն գերտերությունները, Ռուսաստանը` ավելի, ԱՄՆ-ն` մասամբ, խոչընդոտում էին դրան, գտնում, որ վաղ է:
Հիշեցնենք, որ Ուրուգվայի այդ քայլի մասին ժամանակ առաջ խոսում էր ՀՅԴ-ն, որը կանգնած է այս խնդրի ակունքներում` որպես համասփյուռ կառույց: Հիշեցնենք նաև, որ Ուրուգվայն առաջինն է ճանաչել Հայոց ցեղասպանությունը: Ըստ նախնական պայմանավորվածության, նոյեմբերի վերջին Ուրուգվայի խորհրդարանի նախագահը պաշտոնական այցով կլինի Հայաստանում' այդ հարցերի շուրջ վերջնական պայմանավորվածություններ ձեռք բերելու համար, ապա կմեկնի Ղարաբաղ:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
