Անրի Վարդանյանը, ում Ռոմանոս Պետրոսյանն իր տեղակալ է տարել, Սերժի օրոք եղել է Արեւմտյան մաքսատան պետը․ Խուրշուդյան

Դե շահերի բախումն էլ ոչ մի հարց չի ՊՎԾ-ում: Անրի Վարդանյանն էլ իր հերթին որպես ՊՎԾ Սոցիալական ոլորտի վերահսկողության վարչության պետ է բերել Արթուր Բարսեղյանին, էլի՝ իր ընկերոջը: Դե մի ՙՙազնվագույն անձնավորութուն՚՚ էլ, վստահաբար այս մեկն է: Պարզ է, չէ՞ թե որքան կարեւոր է, որ ՊՎԾ-ում ընկերներով հավաքվեն: Տենց Օմերտայի օրենքը ավելի մեծ հավանականությամբ կկարողանան պաշտպանել: Ի դեպ, Արթուր Բարսեղյանի ղեկավարած վարչությունը, որը գտնվումն է Անրի Վարդանյանի անմիջական համակարգման ներքո՝ որպես ՊՎԾ ղեկավարի տեղակալի, ստուգում է առողջապահության, կրթության եւ սոցիալական ոլորտները: Բայց Արթուր Բարսեղյաննն էլ Հանրապետական հիվանդանոցի փոխտնօրեն Ռուբեն Գրիգորյանի փեսան է, ում հիվանդանոցը որ ստուգում է: Իսկ նրա քենին էլ, այսինքն՝ նույն Ռուբեն Գրիգորյանի մյուս դուստրը՝ Վարդուհի Գրիգորյանը, Առողջապահության նախարարության գլխավոր քարտուղարն է, ում անմիջական ենթակայության տակ է ԱՆ ֆինանսատնտեսական վարչությունը եւ Պետական առողջապահական գործակալությունը, որը ստուգումներ է իրականացնում բժշկական կենտրոններում: Այնպես որ նա էլ հանգիստ եւ լիարժեք անաչառությամբ կարող է ստուգել իր հայրիկի տնօրինած, կամ փոխտնօրինած հիվանդանոցը: Վարդուհի Գրիգորյանը պատասխանատու է նաեւ պետպատվերի շրջանակներում բժշկական կենտրոններին բյուջետային միջոցների բաշխման համար:

Դե Գագիկ Ջհանգիրյանն էլ, ըստ մամուլի հրապարակումների, Հանրապետական հիվանդանոցի բաժնետեր է ու այդ հիվանդանողի տնօրեն Գրիգորի Գրիգորյանի դասընկերը (էլի՛ ընկերներ. տեսեք, թե մեր հայկական ավանդական ընկերասիրությունը ինչ բան է, է՛): Այն հիվանդանոցի, որի փոխտնօրենն է Ռուբեն Գրիգորյանը, ում փեսա եւ Ջհանգիրյանի փեսայի անմիջական ենթակա Արթուր Բարսեղյանը պետք է ստուգի սեփական աներոջ ու նրա եղբոր տնօրինման տակ գտնվող բժշկական կենտրոնը, որի փայատեր է նաեւ շեֆի՝ Անրի Վարդանյանի աներ Գագիկ Ջհանգիրյանը: Այ սենց խառը ընկերա-խնամիա-ծանոթ-բարեկամական պատմություն ))

Հա, չմոռանամ ասել, որ Առողջապահության նախարար Անահիտ Ավանեսյանն էլ հեռու չի այս կլանի մաս կազմելուց: Համենայնդեպս՝ իր գործելաոճով: Իր մայրիկն էլ ունի սեփական բժշկական կենտրոնը՝ Ուիգմոր, որը եւս օգտվում է ԱՆ բաշխված պետական միջոցներից: Իսկ իր ամուսնուն՝ Ստեփան Ավանեսյանին է պատկանում «Արմֆարմացիա» ՓԲԸ-ն, որը եւս պետական պատվերների խոշոռ շահառուներից է, առաջատար դիրքեր ունենալով պետական գնումների մրցույթների «հաղթարշավում», եւ որի տնօրենն է եղել ինքը՝ տիկին Ավանեսյանը, մինչեւ նախարարությունում բարձր պաշտոններ զբաղեցնելը:

Մի անգամ արդեն հրապարակային անդրադարձել եմ այս խնդրին: Ոչ մի արձագանք: ՙՙՍաղ լավ ա՚՚: Ոնց հասկացա հեղափոխության ալիքի վրա իշխանության եկած որոշ տիկնայք եւ պարոնայք ոչ թե հզոր պետություն են պատրաստվում կառուցել, այլ հզոր կլաններ: Սահմանին սպասող պատերազմն էլ ում էլ վերաբերի՝ հո իրենց չի վերաբերելու:

Հա, ի դեպ, Անրի Վարդանյանը մաքսայինից հետո տեղավորվել էր Քննչական կոմիտեում, բայց Արգիշտի Քյարամյանը՝ ՔԿ պետ նշանակվելուց հետո այս խեղճ մարդուն գործից հանել էր: Բա եղա՞վ, պարոն Քյարամյան: Բա Գագիկ Ջհանգիրյանը Ձեզ չի ասե՞լ, թե Անրի Վարդանյանը ինչ լավ մարդ է: Հո 37 թիվը չի, յաա… Լավ է գոնե Նիկոլ Փաշինյանը մի գործ գտավ նրա համար: Հո խեղճը գործազուրկ չէ՞ր մնալու: Սերժ Սարգսյանի օրոք Հայաստանի Հանրապետությանը, ու հատկապես պետական բյուջեին այդքան ծառայություններ մատուցելուց հետո գործազուրկ մնա՞լս որն էր:

Էն խեղճ Գագիկ Խաչատրյանին իբր որպես ինչ բռնեցիք նստեցրիք: Ինչ մի թիթիզություն: Մի պաշտոն էլ նրան տայիք՝ պրծնեիք, էլի: Անրի Վարդանյանի չափ չկա՞ր:

ՀԳ. Ես էլ ասում եմ ինչո՞ւ հանեցին Դավիթ Սանասարյանին էն շինծու գործով: Բա որ իր տեղում մնար՝ էս ջերմ, հրաշալի ընկերական մթնոլորտը ոնց էին ձեւավորելու ՊՎԾ-ում կոռուպցիայի դեմ այս ազնիվ պայքարիստները: ))»։