Կինը գնացել է փայտ հավաքելու ու մահացել է ընձառյուծի բերանում

Հնդկաստանի Օդիշա (Օրիսա) նահանգի Սունաբեդա քաղաքի մերձակայքում գտնվող արգելոցում ընձառյուծը հոշոտել է մի կնոջ, ով գնացել էր փայտ հավաքելու: Այս մասին հայտնում է Outlook India-ն։

Արգելոցի մոտ գտնվող գյուղից 65-ամյա Սանամաթի Բարիիկը անտառ էր գնացել փայտ հավաքելու համար։ Հանկարծ մի խոշոր գիշատիչ հարձակվել է կնոջ վրա և քարշ տալով նրան տարել։ Կենդանու հարձակման հետեւանքով կինը մահացել է։

Երբ հնդիկ կինը տուն չի վերադարձել, նրա հարազատները խուզարկություն են կազմակերպել։ Առավոտյան նրանք ջունգլիներում գտել են նրա մասնակի կրծոտված մարմինը։

Ի սկզբանե, ելնելով կնոջը հասցված վնասվածքների բնույթից, ենթադրվում էր, որ կնոջ վրա հարձակվել է բենգալյան վագրը, սակայն ավելի ուշ պարզվել է, որ հնդկուհուն սպանել է ընձառյուծը, քանի որ բենգալյան վագրերի առկայությունն այդ անտառում չի հաստատվել։

Կնոջ ընտանիքին փոխհատուցում կտրվի։ Անտառների պահպանության վարչության աշխատակիցները տեղի բնակիչներին խորհուրդ են տվել չմտնել անտառ։ 

Այս թեմայով «Զանգեզուր» կենսոլորտային համալիր» ՊՈԱԿ-ի տարածքում կրկին արձանագրվել է ընձառյուծ «Արևիք» ազգային պարկում կրկին նկատվել է ընձառյուծ (տեսանյութ) Սյունյաց լեռների պահապանը. «Զանգեզուր» կենսոլորտային համալիր»-ի տարածքում արձանագրվել է Կովկասյան ընձառյուծ (տեսանյութ) Սյունյաց լեռների պահապանը. «Զանգեզուր» կենսոլորտային համալիրում արձանագրվել է Կովկասյան ընձառյուծ Ուրախալի լուր. տեսախցիկները Կովկասյան ընձառյուծ են ֆիքսել (տեսանյութ)