Կիրկորովի համերգը Բաքվում չեղյալ է հայտարարվել նրա հոր կողմից հայ տղային աջակցելու պատճառով
Վերջին լուրեր
Ռուսական էստրադայի փոփ աստղ Ֆիլիպ Կիրկորովի համերգը Ադրբեջանի մայրաքաղաք Բաքվում, որը նշանակվել էր հոկտեմբերի 8-ին, չեղյալ է հայտարարվել ընդունող կողմից, սակայն աստղը հույս է հայտնում, որ Բաքուն դեռ կփոխի իր որոշումը և թույլ կտա իրեն ելույթ ունենալ. հաղորդում է Риа Новости-ն՝ հղում կատարելով Կիրկորովի մամլո քարտուղար Օլգա Ալեքսեևային:
«Ես հաստատում եմ համերգի հետաձգման փաստը, որը պետք է տեղի ունենար Բաքվում Crystall Hall համերգասրահում: Կազմակերպիչները պաշտոնապես հայտնել են, որ պատճառները տեխնիկական են, սակայն մենք հասկանում ենք, որ մի համերգասրահում, որն ընդունել է Ջենիֆեր Լոպեսին, կազմակերպել Եվրատեսիլ 2012-ը, չեն կարող լինել տեխնիկական խնդիրներ: Այսպիսով՝ մեզ մնում է միայն գուշակել համերգը չեղյալ հայտարարելու Բաքվի պատճառները»,-ասել է Ալեքսեևան:
Ավելի վաղ ԶԼՄ-ները հաղորդում էին, որ դրա պատճառն այն է, որ կազմակերպիչները դժգոհ են այն հանգամանքից, որ Կիրկորովի հայրը՝ Բեդրոս Կիրկորովը, օգնում է հայաստանցի 13-ամյա երգիչ Անդրանիկ Ալեքսանյանին: Մամլո քարտուղարը հայտնեց, որ չի բացառվում նաև այդ տարբերակը:
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
