Independent. Լախդար Բրահիմիի դիվանագիտական տաղանդը
Վերջին լուրեր
Independent-ը հոդված է հրապարակել` նվիրված Սիրիայում կրակի դադարեցման ուղղությամբ ՄԱԿ-ի հատուկ ներկայացուցիչ Լախդար Բրահիմիի գործադրած ջանքերին: Ինչպես գրում է թերթը, նման համաձայնությունները, որպես կանոն, երկար չեն տևում, դրանցից որոշները խախտվում են անմիջապես, որոշներն էլ հանգեցնում բռնության նոր ալիքների: Ուստի Սիրիայում մուսուլմանական տոնի կապակցությամբ ձեռք բերված միքանիօրյա խաղաղությանը պետք է բավականին զգուշորեն վերաբերվել: Այսուհանդերձ, խաղաղության հաստատման փաստն ինքնին, թեկուզ մի քանի օրով, մեծ նվաճում է:
Լախդար Բրահիմիին հաջողվեց հասնել նրան, ինչը չէր հաջողվում ոչ նրա նախորդ Քոֆի Անանին, ոչ էլ Արաբական երկրների լիգային:
Սիրիայի նախագահ Բաշար Ասադը և ընդդիմադիր խմբավորումների մեծամասնությունը համաձայնվել են հրադադար հաստատել իսլամական մեծ տոնի օրերին: Դա ինքնըստինքյան խոսում է Լախդար Բրահիմիի դիվանագիտական տաղանդի մասին:
«Այո, Սիրիայում քաղաքական երկխոսությունը վերսկսելու Բրահիմիի ջանքերը կարող են անարդյունք ավարտվել, սակայն նա արդեն հասել է նշանակալի նվաճումների»,-եզրափակում է թերթը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
