Հյուսիսային Կորեան կիսառազմական դրություն է հայտարարել

Հյուսիսային Կորեան ուրբաթ օրվանից անցել է կիսառազմական դրության, այս մասին հայտնում է հյուսիկորեական Daily NK կայքը, որը զբաղվում է հյուսիսից ստացվող տեղեկատվության հավաքագրմամբ և վերլուծությամբ:

«Հրամանը կիսառազմական դրության անցնելու մասին տրվել է այսօր առավոտյան: Այն մասնավորապես արգելում է մարդկանց որևէ տեղափոխում առանց անհրաժեշտության: Հրամանն ուժի մեջ է այսօրվանից մինչև հոկտեմբերի 31-ը»,-հայտնել են կայքին հյուսիսկորեական Փհենան Պուկտո գավառից: