Բանվորներից երկուսը գտնվում են վերակենդանացման բաժանմունքում

Սուրբ Գրիգոր Լուսավորիչ բժշկական կենտրոնից Lurer.com–ին հայտնեցին, որ երեկ Խանջյան 20 հասցեում տեղի ունեցած փլուզման արդյունքում վերոնշյալ բժշկական կենտրոն տեղափոխված 11 բանվորներից 9-ի վիճակն այս պահի դրությամբ գնահատվում է լավ, իսկ մյուս երկու բանվորների վիճակը ծանր է, նրանք գտնվում են վերակենդանացման բաժանմունքում։

Հիշեցնենք, որ երեկ կեսօրին մոտ Խանջյան 20 հասցեում կառուցման փուլում գտնվող կիսակառույց երեք հարկանի շինությունը փլուզվել էր, որի արդյունքում 11 աշխատակից բանվորները տարբեր աստիճանի վնասվածքներով տեղափոխվել էին հիվանդանոց։