Հայաստանն ու Արգենտինան կհամագործակցեն մաքսային ոլորտում
Վերջին լուրեր
Հոկտեմբերի 22-ին ՀՀ կառավարությանն առընթեր Պետական եկամուտների կոմիտեի նախագահ Գագիկ Խաչատրյանի գլխավորած պատվիրակությունն աշխատանքային այցով մեկնել է Բուենոս Այրես:
Հոկտեմբերի 23-ին ՀՀ ԿԱ ՊԵԿ նախագահ Գագիկ Խաչատրյանը հանդիպել է Արգենտինյան Հանրապետության պետական եկամուտների դաշնային վարչության պետ Ռիկարդո Էչեգառայի հետ։ Հանդիպման ընթացքում քննարկվել են մաքսային ոլորտում համագործակցության և փոխադարձ հետաքրքրություն ներկայացնող մի շարք հարցեր։
Անդրադառնալով հայ-արգենտինյան երկկողմ հարաբերություններին` կողմերը շեշտել են, որ առկա է չօգտագործված մեծ ներուժ, և այցի ընթացքում ստորագրվելիք մաքսային ոլորտում համագործակցության համաձայնագիրը նոր հնարավորություններ կընձեռի առևտրատնտեսական կապերը խթանելու համար։
Համաձայնություն է ձեռք բերվել նաև հնարավորինս սեղմ ժամկետներում լրամշակել և ստորագրման համար նախապատրաստել երկու երկրների միջև հարկային ոլորտում համագործակցության համաձայնագիրը:
Հանդիպման ավարտից հետո երկու գերատեսչությունների ղեկավարները ստորագրել են «Հայաստանի Հանրապետության կառավարությանն առընթեր Պետական եկամուտների կոմիտեի և Արգենտինյան Հանրապետության պետական եկամուտների դաշնային վարչության միջև մաքսային գործերում համագործակցության ու փոխադարձ օգնության մասին» համաձայնագիրը:
Համաձայնագիրը ենթադրում է Հայաստանի և Արգենտինայի մաքսային ծառայությունների միջև փոխգործակցության որակապես նոր մակարդակ, մասնավորապես` տեղեկատվության անմիջական փոխանակում, հարցումների ներկայացման ընթացակարգերի կատարելագործում, մաքսանենգության, մշակութային արժեքների և թմրամիջոցների ապօրինի շրջանառության դեմ պայքարի ուղղությամբ համագործակցության ծավալում։
Այն կնպաստի երկկողմ առևտրատնտեսական կապերի խթանմանը, ապրանքաշրջանառության ծավալների աճին, ինչպես նաև մաքսային ընթացակարգերի պարզեցմանը։ Համաձայնագիրը հնարավորություն է ընձեռում էլեկտրոնային եղանակով հարցումների ներկայացման, օպերատիվ տեղեկատվության ստացման, մաքսային խախտումներում ներգրավված անձանց բացահայտելու նպատակով համատեղ միջոցառումների իրականացման և փորձի փոխանակման համար:
Պատվիրակությունն այցելել է նաև Բուենոս Այրեսի նավահանգիստ, որտեղ ծանոթացել է մաքսային ընթացակարգերի և առկա ենթակառուցվածքների աշխատանքի հետ։
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
