267 համարի երթուղու սպասարկման ժամկետը երկարեցվել է ընդամենը կես տարով

«Ժողովուրդ» օրաթերթի 2012թ. հոկտեմբերի 18-ի համարում տեղեկատվություն է հրապարակվել, որ «Smart soft» ընկերությունը, որը շահագործում է Երեւան-Աբովյան քաղաքները սպասարկող 267 համարի երթուղին, 2012թ.-ի մայիս ամսից գործում է անօրինական ճանապարհով, այսինքն՝ արտոնագիր չունի:

Հայաստանի Հանրապետության տրանսպորտի և կապի նախարարությունը տեղեկացնում է, «Smart soft» ընկերությունը 24.09.2007թ.-ին նախարարությունից ստացել է Ընդհանուր օգտագործման ուղեւորատար ավտոմոբիլային տրանսպորտով կանոնավոր ուղեւորափոխադրումների կազմակերպման գործունեության ՏԿՈՒ N 0008 լիզենզիան: Լիզենզիան գործում է անժամկետ, եթե չի կասեցվել որեւէ պատճառով: «Smart soft» ընկերությանը տրամադրված լիզենզիան գործում է մինչ այսօր: ՀՀ տրանսպորտի եւ կապի նախարարությունը տեղեկացնում է, որ թերթի տարածած նշյալ տեղեկությունը չի համապատասխանում իրականությանը, քանի որ մայիսի 15-ի մրցութային հանձնաժողովի արձանագրությամբ՝ 267 համարի երթուղու սպասարկման ժամկետը կես տարով երկարեցվել է։ Այն ուժի մեջ է մինչեւ 2012թ. նոյեմբերի 15-ը: