Բերլուսկոնին դատապարտվել է 4 տարվա ազատազրկման

Իտալիայի նախկին վարչապետ Սիլվիո Բերլուսկոնիին Միլանի դատարանը շուրջ 4 տարվա ազատազրկման է դատապարտել, հայտնում է Corriere Della Sera-ն:

Նախկին քաղաքական գործիչը ազատազրկման է դատապարտվել իրեն պատկանող Mediaset ընկերության հանրահռչակ գործով՝ հարկերից խուսափելու համար։ Mediaset -ը համարվում է ամենաաղմկահարույց դատական պրոցեսներից մեկը Իտալիայում և ընդանրապես։ Այս գործով դատավարությունը ընթանում էր 6 տարի։ Հաղորդվում է, որ Բերլուսկոնին արհեստականորեն բաձրացրել է հեռարձակման ձեռք բերման իրավունքի գները։ Հետաքննիչների կարծիքով՝ այդ իրավունքի ձեռք բերման արդյունքում ստացված գումարի առյուծի բաժինը ծախսվել է ընտրակաշառքի վրա։ Բերլուսկոնին դատարանի վճիռը բողոքարկելու իրավունք ունի։

Ազատազրկման կոնկրետ ժամկետը 3 տարի և 8 ամիս է: Բերլուսկոնիից բացի նույն գործով մեղադրանքներ էին ներկայացվել նաև ևս 10 հոգու: