«168 Ժամ». Որոշել են դեկտեմբերի 15-ին առաջադրել Սարգսյանի թեկնածությունը
Վերջին լուրեր
Երեկ տեղի է ունեցել ՀՀԿ գործադիր մարմնի նիստ, որի ընթացքում որոշում է կայացվել կուսակցության արտահերթ համագումար հրավիրել դեկտեմբերի 15-ին: Նիստում քննարկվել է արտահերթ համագումարի օրակարգը, որը բաղկացած է լինելու մեկ հարցից` Սերժ Սարգսյանի առաջադրումը 2013թ. նախագահական ընտրություններում:
Գործադիր մարմնի նիստի ավարտից հետո ՀՀԿ մամլո խոսնակ Էդուարդ Շարմազանովն ասել է, որ նիստում վարչապետի փոփոխության հարցը չի քննարկվել: Նաև նշել է, որ իրականությանը չեն համապատասխանում լուրերը, թե փոխվարչապետի պաշտոնը հանձնվելու է ԲՀԿ-ին: Շարմազանովը միաժամանակ հայտարարել է, որ Սերժ Սարգսյանի ու Գագիկ Ծառուկյանի միջև հանդիպումներ կայանում են, և դրա պատճառը ոչ միայն այն է, որ Ծառուկյանն ԱԱԽ անդամ է, ՀԱՕԿ նախագահ, այլև այն, որ՝ «ՀՀԿ-ն ժողովրդավարական արժեքների առաջամարտիկ է, ով կողմ է երկխոսությանը տարբեր ուժերի հետ»:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
