«168 ժամ». ԲՀԿ-ի կողմից դրական միտում ՀԱԿ-ի նկատմամբ չկա
Վերջին լուրեր
«Մշտապես ՀԱԿ-ը բազմաթիվ ռևերանսներ է արել ԲՀԿ-ի հասցեին, բայց ԲՀԿ ռեակցիան բացասական է եղել: Չեմ հիշում որևիցե դեպք, որ ԲՀԿ-ի քայլը, խոսքը ցույց տային, որ գոնե տրամադրված են: Նույնիսկ սա չկա: Իսկ եթե օրակարգում փոխադարձ համաձայնություն, առաջարկ չկա, ապա ինչո՞ւ պետք է քննարկվի նման հարց: Գոյություն չունեցող երևույթն ինչպե՞ս կարող է քննարկվել ՀԱԿ-ում»,- «168 ժամ»-ի թղթակցի հետ զրույցում ասել է ՀԱԿ ներկայացուցիչ, «Քրիստոնեա-ժողովրդական վերածնունդ» կուսակցության նախագահ Սոս Գիմիշյանը՝ հերքելով, թե ՀԱԿ-ում ԲՀԿ-ՀԱԿ հնարավոր համագործակցության վերաբերյալ քննարկում է եղել:
Նաև հավելել է. «Համենայնդեպս, ես գոնե տեղյակ չեմ, որ ԲՀԿ-ի կողմից որևէ շարժ լինի, որ գնահատվի իբրև դրական միտում ՀԱԿ-ի նկատմամբ: Իսկ ՀԱԿ-ի կողմից բազմաթիվ քայլեր են արվել: Հենց թեկուզ Լևոն Տեր-Պետրոսյանը միտինգներում է հայտարարել, ընթացքում է խոսել: Տարբեր առիթներով ՀԱԿ-ն ինչ-որ քայլեր արել է, բայց' արդյունք չկա: Չեմ էլ կարծում, որ հնարավոր է: Այդ քաղաքական ուժն իր տերերն ունի, ղեկավարներն ունի, բացառում եմ, որ նրանք երբևիցե իշխանության դեմ գնան»:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
