The Washington Post. Հիլարի Քլինթոնը նախագահական ընտրություններից հետո հրաժարական կտա

ԱՄՆ-ի պետքարտուղար Հիլարի Քլինթոնը հայտարարել է նոյեմբերի 6-ի նախագահական ընտրություններից հետո հրաժարական տալու մտադրության մասին. Այս մասին պետքարտուղարը պատմել է The Washington Post–ի հոկտեմբերի 26-ին հրապարակված հարցազրույցում:

«Ես մտադիր եմ հրաժարական տալ նոր նախագահի երդման արարողությունից հետո: Այդպիսին է իմ պլանը»,-հայտարարելէ Քլինթոնը:

Պետքարտուղարը նաև ավելացրել է, որ դեռ հնարավորություն չի ունեցել խոսել ԱՄՆ-ի նախագահ Բարաք Օբամայի հետ այս թեմայով, քանի որ վերջինս զբաղված է նախընտրական քարոզարշավով. «Հույս ունեմ, որ մենք շուտով կքննարկենք գործերի փոխանցման հետ կապված հարցերը»:

Ավելի վաղ Քլինթոնը բազմիցս հայտարարել էր, որ մտադիր է մնալ պետքարտուղարի պաշտոնին մեկ ժամկետից ոչ ավել: Սակայն ավելի ուշ ամերիկյան ԶԼՄ-ներում հայտնվեց տեղեկություն առ այն, որ Քլինթոնը կարող է մնալ զբաղեցրած պաշտոնին ավելի երկար հոկտեմբերի 11-ին Բենղազիյում ԱՄՆ-ի դեսպանի սպանության հարցերի հետ կապված: Բացի այդ, 2011 թվականի մարտին Քլինթոնը խոսել է այն մասին, որ կմնա պետքարտուղարի պաշտոնին, եթե Օբաման վերընտրվի:

The Washington Post–ին տված հարցազրույցում Քլինթոնը նաև ընդգծել է, որ չի ցանկանում մնալ պետքարտուղարի պաշտոնին ժամկետից ավել, սակայն նշել է, որ «հարկավոր է հիշել աշխատանքի մասին, որն անհրաժեշտ է կատարել»: «Ամեն դեպքում ես պետք է խոսեմ նախագահի հետ»,-ամփոփել է պետքարտուղարը: