The Telegraph. Տիմոշենկոն բանտում կմնա, զգուշացնում է վարչապետը
Վերջին լուրեր
Յուլիա Տիմոշենկոն՝ ուկրաինական ընդդիմության առաջնորդը, կմնա բանտում՝ չնայած խորհրդարանական ընտրությունների նախօրեին նրան ազատ արձակելու Արևմուտքի կոչերին. նախազգուշացրել է պետության վարչապետը:
Խոսելով The Daily Telegraph-ի լրագրողի հետ՝ Միկոլա Ազարովն ասել է, որ Տիմոշենկոն, որը յոթամյա ազատազրկում է կրում պաշտոնական դիրքը չարաշահելու համար, արարացի է դատապարտվել և չի կարող ազատ արձակվել կառավարության հրամանով: «Երբևէ լսե՞լ եք, որ որևէ եվրոպական պետությունում որևէ մեկին ազատ արձակելու հրամաններ հնչեն։ Հավանաբար ոչ: Հավանաբար այն պատճառով, որ դա անհնար է: Ուկրաինայում, միևնույնն է, մենք չենք կարող դա ողջունել և որևէ մեկի ցանկությունները իրականացնել, նույնիսկ հեղինակավոր եվրոպական քաղաքական գործչինը»,-ասել է նա:
Արևմտյան քաղաքական գործիչները՝ սկսած Հիլարի Քլինթոնից և վերջացած Անգելա Մերկելով, նրան ազատ արձակելու կոչ են արել:
Ուկրաինական կառավարության քննադատները նշում են, որ կիրակի օրվա ընտրությունները չեն կարող լեգիտիմ լինել, եթե 2004 թվականի Նարնջագույն հեղափոխության նախկին առաջնորդը ճաղերի ետևում մնա:
Տիմոշենկոյի կողմնակիցները պնդում են, որ դատավարությունը հեղինակել է նրա հակառակորդ, նախագահ Վիկտոր Յանուկովիչը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
