Independent. Լեզբուհիների առաջացման մեղավորները տղամարդիկ են. Լուկաշենկո

Բելառուսի նախագահ Ալեքսանդր Լուկաշենկոն բրիտանական Independent պարբերականին տված հարցազրույցում պատմել է համասեռամոլների նկատմամբ ունեցած իր վերաբերմունքի մասին:

Այսպես՝ երկրի նախագահը հայտարարել է, որ ցավով է վերաբերվում լեզբուհիներին և կարծում է, որ լեզբուհի դառնալու պատճառը տղամարդիկ են:

«Ինչ վերաբերում է կին-կին հարաբերություններին, ապա ես նորից եմ շեշտում, որ մեր՝ տղամարդկանց մեղքն է, որ այսօր կինը կնոջ համար փոխարինում է տղամարդուն: Դա մեր մեղքն է: Ուստի ես ցավում եմ: Այն, ինչ կանայք պետք է գտնեն մեր մեջ, սկսում են փնտրել կանանց մեջ»:

Իսկ համասեռամոլությունն առհասարակ չի տեղավորվում Լուկաշենկոյի պատկերացումների մեջ: «Ինչ վերաբերում է տղամարդ-տղամարդ հարաբերություններին, ես ասում եմ՝ Աստված նրանց հետ: Ես դա չեմ մեղադրում և ոչ էլ քննադատում եմ, քանի որ դա իմ պատկերացումների մեջ չի տեղավորվում: Եվ եթե ինչ-որ կերպ էլ դա ընկալում եմ, ապա միանշանակ բացասաբար, և համարում եմ աննորմալ երևույթ»,- հայտարարել է Բելառուսի նախագահը:

Թերթը հիշեցնում է, որ վերջերս Ալեքսանդր Լուկաշենկոն առաջարկել էր Բելառուսի կառավարությանը կանանց նույնպես ներգրավել զինվորական ծառայության մեջ: