ԱՄՆ-ն զորք չի տեղափոխել Թուրքիա
Վերջին լուրեր
ԱՄՆ-ը զինվորական միավորումներ չի ուղարկել Թուրքիա՝ ասված է Թուրքիայի գլխավոր շտաբի տարածած հաղորդագրության մեջ. փոխանցում է թուրքական Anadolu գործակալությունը:
Համաձայն թուրքական գլխավոր շտաբի հաղորդագրության՝ չնայած նրան, որ ԱՄՆ-ն ու Թուրքիան հանդիսանում են ռազմավարական գործընկերներ, այսուհանդերձ, Անկարան չի պատրաստվում Վաշինգտոնից խնդրել, որ վերջինս ռազմական միավորումներ տեղափոխի Թուրքիա:
Հիշեցնենք, որ նախկինում ԶԼՄ-ները հայտնել էին, որ ԱՄն-ը զորք է տեղափոխել Թուրքիա՝ հետախուզական գործողություններ վարելու համար:
Hurriyet-ը տեղեկցանում էր, որ Եվրոպայում ԱՄՆ-ի զինված ուժերի հրամանատար Հերթլինգը վերջին շրջանում Սիրիայում տեղի ունեցած իրադարձություններից հետո «փոքրաքանակ զինվորականների խումբ է ուղարկել Թուրքիա»:
Հերթլինգը Վաշինգտոնում լրագրողների հետ հանդիպման ժամանակ հայտարարել էր, որ Թուրքիա ուղարկված զինվորները հետախույզներ են:
Նա նաև նշել է, որ այդ ուժերը կարող են օգտագործվել Թուրքիային աջակցություն ցուցաբերելու համար, և եթե Թուրքիան դրա կարիքն ունենա, իրենք կարող են տրամադրել նաև բեռնատարներ և ուղղաթիռներ:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
