Գալուստ Սահակյան. Համոզված ենք` ինչ-որ պահի Հոկտեմբերի 27-ը կբացահայտվի (տեսանյութ)

Լուրեր.com–ի հետ զրույցում ԱԺ ՀՀ խմբակցության ղեկավար Գալուստ Սահակյանը, անդրադառնալով այն հարցին՝ 13 տարի անց հնարավո՞ր է բացահայտել Հոկտեմբերի 27-ը, ասաց.

«Պետք չէ ժամանակի մեջ հուսախաբության մատնվել։ Համոզված ենք, որ ինչ-որ պահի կբացահայտվի»,–ասաց նա։ 

Անդրադառնալով այն հարցին, թե Հոկտեմբերի 27–ն աշխարհաքաղաքական դրդապատճառներ ունի, թե՝ ոչ, Սահակյանն ասաց. «Համոզումս հենց դա է. Ձեռք բարձրացվեց իշխանության վրա, հիմնական գործիչների վրա, և դա է պատճառը, ամեն տարի էլ նույնն եմ ասում, որ նրանք, ովքեր ոճրագործ էին, ընդամենը գործիքներ էին։ Աշխարհը մեծ է, և հարվածները սպասելի կարող են լինել։ Գնալով ավելի ենք ամրանում, որքան ամրանանք, այնքան հնարավոր կլինի տեսնել, թե ովքեր են մեր իրական թշնամինները։

 Գայանե Համբարձումյան