Լենս Արմսթրոնգի մարզաշապիկը հանվել է Սուրբ Աստվածածին եկեղեցուց

Դոպինգի պատճառով «Տուր դե Ֆրանսի» 7 տիտղոսներից զրկված ամերիկացի հեծանվորդ Լենս Արմսթրոնգի մարզաշապիկը հանվել է Ֆրանսիայում գտնվող հեծանվորդների պաշտպանն ու հովանավորը համարվող Սուրբ Աստվածածին եկեղեցուց. տեղեկացնում է ИТАР-ТАСС-ը։

Ամեն տարի այս եկեղեցի այցելում են հեծանվասպորտի սիրահարներ և պրոֆեսիոնալ հեծանվորդներ, որոնց թիվը հասնում է 15.000-ի։

«Սա, իհարկե, նշանակալի իրադարձություն է, բայց մենք ընդամենը կատարեցինք նախապես ընդունված որոշումը»,- ասել է Սուրբ Աստվածածին եկեղեցու բարեկամների ասոցացիայի նախագահ Կլոդ Նադոն։

Նշենք, որ եկեղեցում Արմսթրոնգի շապիկը կախված է եղել 800 այլ մարզիկների շապիկների կողքին։