Գողացել էր նկարչության ուսուցչի «Այֆոն 13 Պրո Մաքս» մոդելի բջջային հեռախոսը
Իրավունք
Մայիսի 4-ին ՆԳՆ ոստիկանության օպերատիվ կառավարման կենտրոն զանգած քաղաքացին հայտնել էր, որ Ղուկասավան գյուղում գողացել են իր բջջային հեռախոսը:
Ոստիկանության Մասիսի բաժնի քրեական հետախույզները պարզել են, որ ժամը 14.40-ի սահմաններում Մասիս համայնքի Ղուկասավան բնակավայրի Արամի փողոցի վարչական շենքից գողացել են նկարչության ուսուցչի «Այֆոն 13 Պրո Մաքս» մոդելի բջջային հեռախոսը՝ պատճառելով մոտ 700 000 դրամի նյութական վնաս:
Մասիսի քրեական հետախույզները ձեռնարկած միջոցառումների արդյունքում օպերատիվորեն պարզեցին գողությունը կատարողի ինքնությունը: Անմիջականորեն ծագած հիմնավոր կասկածանքի առկայության հիմքով մայիսի 4-ին Դարակերտ գյուղում ձերբակալվեց և բաժին տարվեց նույն գյուղի բնակիչ 15-ամյա պատանին: Բացատրական աշխատանքի արդյունքում նա խոստովանեց արարքը, իսկ անձնական խուզարկությամբ նրա բաճկոնի գրպանում հայտնաբերվեց նշված հեռախոսը:
Կազմված փաստաթղթերը, հեռախոսը և 15-ամյա պատանին ներկայացվել են Մասիսի քննչական բաժին:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Ամենադիտված 
Մնաս բարյավ. Րաֆֆի Հովհաննիսյան
