42-ամյա Քիմ Քարդաշյանն ակնարկել է նոր սիրավեպի մասին

Ռեփեր Քանյե Ուեսթի նախկին կինը՝ Քիմ Քարդաշյանը, իր «The Kardashians» ռեալիթի շոուում ակնարկել է նոր սիրավեպի մասին։ Այս մասին հայտնում է E!–ն։

«Իմ ընկերներն ուզում էին, որ ես ինչ-որ մեկի հետ հանդիպեմ»,- Սքոթ Դիսիկի հետ կիսվել է Քիմ Քարդաշյանը։

Այնուհետ Սքոթն առաջարկել է Քիմին պայմանականորեն անվանել իր ընտրյալին «Ֆրեդ» և հարցրել՝ արդյոք նա համապատասխանում է նրա պահանջներին։ Քարդաշյանն առանց վարանելու պատասխանել է, որ «համապատասխանում է բոլոր չափանիշներին» և նկարահանումների ընթացքում նամակներ է գրել նրան։

Քիմ Քարդաշյանի վերջին ընկերը եղել է կատակերգու Փիթ Դևիդսոնը։ Զույգը բաժանվել է 2022 թվականի օգոստոսին՝ ինը ամիս հարաբերություններից հետո։