N 100 ավտոբուսն այսօրվանից դեպի «Զվարթնոց» օդանավակայան կանոնավոր ուղևորափոխադրումներ է իրականացնում

Երևանի քաղաքապետարանի լրատվության վարչության պետ Լևոն Սարդարյանը ֆեյսբուքյան իր էջում հայտնել է, որ N 100 ավտոբուսը այսօրվանից Երևանի Ֆրանսիայի հրապարակից դեպի «Զվարթնոց» օդանավակայան և հակառակ ուղղությամբ կանոնավոր ուղևորափոխադրումներ է իրականացնում։

Երևանի քաղաքապետարանի տելեգրամյան ալիքում նշվում է, որ միայն այս երթուղու համար ուղեվարձի արժեքը սահմանված է 300 դրամ։