Մոսկվայում դեռահասին բերման են ենթարկել հասակակցի վրա բենզին լցնելու համար

Մոսկվայում 14-ամյա դեռահասին բերման են ենթարկել հասակակցի վրա բենզին լցնելու համար, հայտնում է ՏԱՍՍ-ը՝ վկայակոչելով իրավապահ մարմիններում աղբյուրին։

Նախնական տվյալներով՝ 14-ամյա դեռահասը հասակակցի վրա լցրել է բենզին, որը բռնկվել է։ Տուժած տղան ծանր այրվածքներ է ստացել և հոսպիտալացվել։

Հաղորդվել է նաև, որ դեպքի ականատեսները բաճկոններով հանգցրել են կրակը։ Տուժածին տեղափոխել են բուժհաստատություն, որտեղ բժիշկները տղայի մոտ այրվածքներ են ախտորոշել՝ սկզբում մարմնի 80%-ը, հետո՝ 100%-ը։ Նա այժմ գտնվում է ծայրահեղ ծանր վիճակում։

Այս պահին դեպքի վայրում են շտապօգնության ծառայությունները։ Իրավապահները պարզում են դեպքի բոլոր հանգամանքները։