Ոստիկանները բացահայտել են Աբովյանում բնակարանային գողության դեպքը. Պարզվել է՝ «հերոսը» 19-ամյա երեւանցի աղջիկ է
Իրավունք
Հունիսի 4-ին ՆԳՆ ոստիկանության Կոտայքի մարզի օպերատիվ կառավարման կենտրոն զանգած կինը հայտնել էր, որ նախորդ օրը գողացել են իր ոսկեղենը: Հայտնել էր նաև, որ նախկինում ևս իր բնակարանից պարբերաբար գողություն են արել, սակայն ինքը ոստիկանություն հաղորդում չի տվել:
Ոստիկանությունից հայտնում են, որ ոստիկանության Կոտայքի բաժնի քրեական հետախույզները ձեռնարկած միջոցառումների արդյունքում պարզել են, որ Աբովյան քաղաքի Չափիչի փողոցի նշված բնակարանից գողությունը կատարել էր Երևանի 19-ամյա մի բնակչուհի: Նա հունիսի 5-ի առավոտյան հայտնաբերվել, ձերբակալվել և տեղափոխվել է ոստիկանության Կոտայքի բաժին, որտեղ խոստովանել է, որ գողությունը արել է ինքը, իսկ գողոնը գրավադրել է Աբովյան քաղաքի գրավատներից մեկում:
19-ամյա աղջիկը և կազմված փաստաթղթերը ներկայացվել են Աբովյանի քննչական բաժին:
Նախաձեռնվել է քրեական վարույթ:
Ամենադիտված 
Մնաս բարյավ. Րաֆֆի Հովհաննիսյան
