ԱՄՆ-ում 10-ամյա աշակերտը մեքենա է գողացել և փորձել փախչել ոստիկաններից

ԱՄՆ-ում 10-ամյա դպրոցականը մեքենա է գողացել ու հետապնդվել ոստիկանների կողմից, գրում է New York Post-ը։ Երեխայի խոսքով՝ ցանկացել է մեքենայով գնալ մոր մոտ՝ նրան տեսնելու։

Միչիգանի ոստիկանության սպա Քիմբերլի Վետերը պատմել է, որ հերթապահը մի քանի զանգ է ստացել այլ վարորդներից, ովքեր ասել են, որ մայրուղու վրա տեսել են մի մեքենա, որը երեխա է վարում: Պարեկներին հաջողվել է գտնել մեքենան, սակայն աշակերտը կանգ չի առել և փորձել է փախուստի դիմել։

Հետապնդման ժամանակ տղան բախվել է ցանկապատին և փորձել փախչել վթարի վայրից, սակայն բերման է ենթարկվել։ Բացատրելով իր արարքը՝ նա ասել է, որ ցանկացել է հանդիպել Դեթրոյթում բնակվող մոր հետ, ուստի գողացել է մեքենան։ Երեխան այս պահին գտնվում է անչափահասների մեկուսարանում։