Երկրպագուները մտահոգված են Արիանա Գրանդեով․ կարծում են՝ նրան փոխարինել են

Երգչուհի Արիանա Գրանդեի՝ TikTok սոցիալական ցանցում հրապարակված նոր հոլովակն անհանգստացրել է նրա երկրպագուներին։ Այս մասին հայտնում է The Sun-ը։

Երգչուհին, ով ցուցադրել է իր դիմահարդարման պայուսակի նորույթները, սովորականից գունատ տեսք ուներ և զգալիորեն նիհարել էր։

Twitter-ում երկրպագուները կարծել են, որ այս հրապարակման մեջ Գրանդեին փոխարինել են դիփֆեյքով։ «Ամեն անգամ, երբ տեսնում եմ նրա լուսանկարը, նա այլ տեսք ունի»,- կիսվել է երկրպագուներից մեկը։

Մյուսները, ովքեր պաշտպանում էին Գրանդեին, նշում էին, որ նա հազվադեպ է իրեն ցուցադրում երկրպագուներին որոշակի ռակուրսից և, հետևաբար, կարող էր անճանաչելի թվալ: