Տեսել է՝ դուռը բաց է, տանն էլ մարդ չկա, մտել է ու գողացել բջջային հեռախոսը. գողոնը գտել են գրպանում
Իրավունք
Ոստիկանության Եղեգնաձորի բաժնի քրեական հետախուզության բաժանմունքում օպերատիվ տեղեկություն էր ստացվել, որ մայիսի 28-ի երեկոյան Վերնաշեն գյուղի 52-ամյա բնակիչը, օգտվելով Եղեգնաձորի Թամանցիների փողոցի տներից մեկի դուռը բաց լինելու և տանը մարդ չլինելու հանգամանքից, ապօրինի մուտք էր գործել և գողացել բջջային հեռախոս:
Ոստիկանությունից հայտնում են, որ վերնաշենցի տղամարդը ձերբակալվել և տեղափոխվել է Եղեգնաձորի բաժին: Անձնական խուզարկությամբ նրա գրպանում հայտնաբերվել է գողացած հեռախոսը:
Տուժողից ընդունվել է հաղորդում:
52-ամյա տղամարդը և կազմված փաստաթղթերը ներկայացվել են Վայոց ձորի մարզային քննչական վարչություն:
Ամենադիտված 
Մնաս բարյավ. Րաֆֆի Հովհաննիսյան
