Նատալի Պորտմանը չի հանել ամուսնական մատանին՝ ամուսնու դավաճանության մասին իմանալուց հետո

Դերասանուհի Նատալի Պորտմանը ներկա է գտնվել թենիսի Ֆրանսիայի բաց առաջնությանը։ Այս մասին հայտնում է Daily Mail-ը։

41-ամյա Նատալի Պորտմանը լուսանկարվել է փարիզյան թենիսի Roland Garros համալիրի տրիբունաներում։ Դերասանուհին կրել է կարճ շրջազգեստ։ Արտաքին տեսքը համալրվել է Christian Dior-ի ծղոտե գլխարկով և արևային ակնոցով:

Հատկանշական է, որ դերասանուհին շարունակում է կրել ամուսնական մատանին՝ չնայած երիտասարդ սիրուհու հետ ամուսնու դավաճանությանը։

Ավելի վաղ Նատալի Պորտմանի ամուսնուն՝ 45-ամյա բալետի պարող Բենջամին Միլպեին բռնացրել էին 25-ամյա էկոակտիվիստ Կամիլ Էթյենի հետ համբուրվելիս։ Համապատասխան լուսանկարները հրապարակել էր Voici-ը։

Page Six-ի լրագրողները հայտնել են, որ Փորթմանը Միլպեի դավաճանության մասին իմացել է 2023 թվականի մարտին, սակայն որոշել է փրկել ամուսնությունը։

Զույգը նշանվել է 2010 թվականի դեկտեմբերին և ամուսնացել 2012 թվականի օգոստոսին։ Նրանք երկու երեխա ունեն՝ 11-ամյա որդի Ալեֆը և 6-ամյա դուստրը՝ Ամալիան։