ՊՍԺ-ն մտադիր է Նեյմարին և մի քանի այլ աստղային խաղացողների վաճառել․ RMC Sport
«Պարի Սեն Ժերմենը» ծրագրում է այս ամառ վաճառել մի քանի աստղային խաղացողների, այդ թվում՝ բրազիլացի հարձակվող Նեյմարին, հայտնում է RMC Sport-ը։
Ակումբի ղեկավարությունը պլանավորում էր վաճառել հարձակվողին դեռ 2022 թվականի ամռանը, սակայն այդպես էլ հարմար գնորդ չգտավ Նեյմարի չափազանց բարձր ֆինանսական պահանջների և նրա չափազանց հաճախակի վնասվածքների պատճառով։
Նրանից բացի, ամենայն հավանականությամբ, առաջիկա ամիսներին կհեռանան ֆրանսիական ակումբից նաև Աշրաֆ Հակիմը, Մարկո Վերատը, Կառլոս Սոլերը, Ռենատու Սանչեսը, Ուգո Էկիտիկեն և Մաուրո Իկարդին։
ԶԼՄ-ները հայտնում էին, որ Նեյմարը մերժել է Սաուդյան Արաբիայի թիմերից մեկը տեղափոխվելու առաջարկը։ Մերձավորարևելյան ակումբը բրազիլացուն առաջարկել էր 400 միլիոն եվրո, սակայն նա մերժել էր։
Ենթադրվում է, որ Նեյմարը շահագրգռված է խաղալ միայն երկու ակումբում՝ ՊՍԺ-ում կամ «Մանչեսթեր Յունայթեդում»:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
