Լեոնարդո Դի Կապրիոն Ջիջի Հադիդին ծանոթացրել է ծնողների հետ

Դերասան Լեոնարդո Դի Կապրիոյին և մոդել Ջիջի Հադիդին միասին են տեսել Լոնդոնում։ Այս մասին հայտնում է TMZ-ը՝ հղում անելով աղբյուրներին։

Հրատարակության տվյալներով՝ Դի Կապրիոն և Հադիդը մասնակցել են չինական ռեստորանում կազմակերպված ընթրիքին։ Նրանց հետ միասին եկել են նաև դերասանի հայրը՝ Ջորջ Դի Կապրիոն և նրա կինը։ Նշվում է, որ 20 հոգու համար նախատեսված միջոցառումը կազմակերպել է Դի Կապրիոյի ընկերը՝ բրիտանական Vogue-ի խմբագիր Էդվարդ Էննինֆուլը։

Մայիսին Դի Կապրիոյին և Հադիդին միասին էին տեսել Նյու Յորքում Met Gala պարահանդեսից հետո կայացած միջոցառման ժամանակ։ 

2022 թվականի սեպտեմբերին լուրեր էին պտտվում 48-ամյա Լեոնարդո Դի Կապրիոյի և 27-ամյա Ջիջի Հադիդի սիրավեպի մասին։ Սկզբում հաղորդվում էր, որ Դի Կապրիոն սիրախաղ է անում Հադիդի հետ, և նա, իր հերթին, նրան պահում է «ընկերական գոտում», սակայն դրանից հետո պապարացիները նկարել էին նրանց միասին Մանհեթենի ռեստորաններից մեկում։