Բերքառատ գյուղում 15-ամյա պատանին մարմնական վնասվածք էր պատճառել 52-ամյա կնոջը
Արտակարգ Պատահար
Հունիսի 7-ին, ժամը 12.08-ին, ՆԳՆ ոստիկանության Արագածոտնի մարզի օպերատիվ կառավարման կենտրոն հիվանդանոցից հաղորդում է ստացվել, որ նախաբազկի ծակած-կտրած վերքով, մկանների վնասումով բուժօգնության է դիմել Հոռոմ բնակավայրի 52-ամյա մի բնակչուհի:
Ոստիկանության Արագածի բաժնի ծառայողների ձեռնարկած միջոցառումների արդյունքում պարզվել է, որ Բերքառատ գյուղի ցանքատարածքում տեղի ունեցած վիճաբանության ժամանակ նույն գյուղի 15-ամյա բնակիչը ծալովի դանակով խփել էր 52-ամյա արթիկցի կնոջ դաստակին:
15-ամյա պատանին, հանցագործության գործիք դանակով, ներկայացվել է Արագածոտնի մարզային քննչական վարչություն: Քննչական վարչություն են ուղարկվել նաև կազմված փաստաթղթերը:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
