«Հրապարակ». Գեւորգ Պապոյանի նախագիծը բունտ է հասունացրել կառուցապատողների մոտ
Հայկական Մամուլ
«Հրապարակ» թերթը գրում է. «Գեւորգ Պապոյանի առաջարկած աղմկահարույց նախագիծը, որով առաջարկում է օրենքը փոխել, որ կառուցապատողներին բանկը հիպոթեքային պայմանագրերի գումարները տրամադրի ոչ թե կառուցապատման սկզբում, այլ՝ վերջում, երբ բնակարանները հանձնվեն շահառուներին, բունտ է հասունացրել կառուցապատողների մոտ։ Մի քանի տասնյակ կառուցապատողներ, մեր տեղեկություններով, դիմել են Նիկոլ Փաշինյանին եւ հանդիպում-քննարկում խնդրել:
Որոշ տեղեկություններով, մոտ ժամանակներս Փաշինյանը կընդունի նրանց, քննարկմանը կմասնակցի նաեւ Պապոյանը, իսկ երկուշաբթի փոխվարչապետերն են հրավիրված խորհրդարան՝ ֆինանսավարկային հանձնաժողովում շահագրգիռ պատգամավորների հետ քննարկելու նախագիծը։ Ի դեպ, անհնարին է, որ Պապոյանը նման նախագիծ ներկայացներ՝ առանց համաձայնեցնելու վերադասի հետ»:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
