Մեզ բարդագույն հանդիպում է սպասվում Լատվիայի դեմ. Ալեքսանդր Պետրակով
Սպորտ
Հայաստանի ֆուտբոլի ազգային ընտրանու գլխավոր մարզիչ Ալեքսանդր Պետրակովի կարծիքով՝ Լատվիայի դեմ ընտրանուն բարդագույն հանդիպում է սպասվում:
«Մենք խոսել ենք ֆուտբոլիստների հետ և տրամադր ել ենք Լատվիայի դեմ խաղին: Ասում են՝ հայ ֆուտբոլիստները երկու խաղ անընդմեջ լավ խաղալ չեն կարող: Այդ կտեսնենք վաղը»,-լրագրողների հետ հանդիպման ժամանակ ասաց Պետրակովը:
Հայաստանի ֆուտբոլի ազգային թիմի ճամբարից հեռացել է Կամո Հովհաննիսյանն, ով վնասվածք ունի: Իսն ինչ վերաբերում է մեկնարկային կազմում ընդգրկվելիք ֆուտբոլիստներին, մարզիչը վերջնական որոշում կկայացնի խաղից ժամեր առաջ:
«Լատվիան շատ կարգապահ, հավասարակշռված թիմ է: Վաղուց նման Լատվիա չեմ տեսել: Մեզ բարդագույն հանդիպում է սպասվում: Իմ կարծիքով՝ նրանք արժանիորեն են պարտվել Թուրքիային»,- ընդգծեց նա:
Ըստ մասնագետի Ուելսը և Լատվիան ինչ-որ տեղ նմանություն ունեն` հատկապես ֆիզիկական տեսանկյունից:
«Ես մեզ այս խաղում ֆավորիտ չեմ համարում»,- շեշտեց Պետրակովը:
Եվրո-2024 ընտրական փուլի երրորդ խաղում Հայաստանի հավաքականը հունիսի 19-ին Վազգեն Սարգսյանի անվան Հանրապետական մարզադաշտում կհյուրընկալի Լատվիային: Հանդիպումը կմեկնարկի Երևանի ժամանակով 20:00-ին:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
