ԵՊՀ-ում նոր դեկաններ են նշանակվել. Հրապարակ
Հասարակություն
«Հրապարակ»-ի տեղեկություններով` ուրբաթ օրը ԵՊՀ-ում նոր դեկաններ են նշանակվել: Ավելի վաղ տեղեկացրել էինք, որ Տնտեսագիտության և կառավարման ֆակուլտետի դեկան է նշանակվել նույն ֆակուլտետի դասախոս Կառլեն Խաչատրյանը: ԵՊՀ-ից պատմեցին, որ նույն օրը նոր դեկաններ են նշանակվել նաև Հայ բանասիրության, Սոցիոլոգիայի ֆակուլտետներում, ինչպես նաև ԵՊՀ Ֆարմացիայի ինստիտուտում:
«Հրապարակ»-ի աղբյուրի խոսքով` Բանասիրականի դեկան է նշանակվել Արշալույս Գալստյանը, Սոցիոլոգիայի ֆակուլտետի դեկան` Արթուր Մկրտչյանը, իսկ ահա Ֆարմացիայի ինստիտուտի դեկան է նշանակվել Աննա Մկրտչյանը:
Ըստ տեղեկությունների` այս բոլոր նշանակումներն արվել են ԵՊՀ ռեկտոր Հովհաննես Հովհաննիսյանի «դաբրոյով», նոր դեկանները բավականին սիրված են ֆակուլտետներում:
ԵՊՀ-ից «Հրապարակ»-ի հետ զրույցում հաստատել են նոր դեկանների նշանակումները, փաստելով, որ դեկանների պաշտոնավարման ժամկետները լրացել էին, այդ պատճառով նոր դեկաններ են ընտրվել ԵՊՀ գիտական խորհրդի կողմից:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
