Ջեյմս Քեմերոնը զգուշացրել է՝ «Տիտանիկի» մոտ ճանապարհորությունը վտանգավոր է (լուսանկարներ)

Ռեժիսոր, «Տիտանիկ» խորտակված նավի մասին դրամայի հեղինակ Ջեյմս Քեմերոնը նախազգուշացրել է «Տիտանիկի» մոտ ճանապարհորդելու վտանգի մասին դեռևս 2012 թվականին՝ խորտակված նավի տարածքում «Տիտան» սուզանավի անհետացումից 11 տարի առաջ։ Այս մասին նա խոսել է New York Times-ին տված հարցազրույցում։

«Դուք գնում եք աշխարհի ամենաանողորմ վայրերից մեկը: Այնտեղից դուք չեք կարող զանգահարել ճանապարհային ծառայություն, որպեսզի ձեզ վերցնեն», - ասել է Քեմերոնը, ով, նախապատրաստվելով ֆիլմի նկարահանումներին, 33 անգամ սուզվել է «Տիտանիկի» մոտ:

Միաժամանակ, Քեմերոնը պարզաբանել է, որ վտանգն արժեր նրան, ինչ տեսել է։ «Տեսնել այն, ինչ ուրիշները չեն տեսել, ավելի լավ է, քան կարմիր գորգը», - խոստովանել է նա:

Ինչպես հայտնել ենք, այս պահին Ատլանտյան օվկիանոսի հյուսիսային մասում որոնողական աշխատանքներ են տարվում լսուզանավի համար, որն անհետացել է դեպի «Տիտանիկի» բեկորներ զբոսաշրջային արշավախմբի վայրէջքի ժամանակ։ Նա անհետացել է հունիսի 18-ին՝ սուզվելու մեկնարկից մոտավորապես 1 ժամ 45 րոպե անց։ Սուզանավում հինգ մարդ կա։ OceanGate Expeditions-ը հաստատել է իր նավի անհետացումը։